×

Live on

रेडियो अर्थ सरोकार

Listen to live radio.

शिवम् सिमेन्टको ४१ लाख २० हजार कित्ता आइपीओ बुधबार बाँडफाँट हुँदै

LAXMI SUNRISE BANK
GLOBAL IME BANK

शिवम् सिमेन्टको ४१ लाख २० हजार कित्ता आइपीओ बुधबार बाँडफाँट हुँदै

Artha Sarokar

२० फाल्गुन २०७५, सोमबार

पढ्न लाग्ने समय: १ मिनेटभन्दा कम

काठमाडौं – शिवम् सिमेन्टको ४१ लाख २० हजार कित्ता आइपीओ बुधबार बाँडफाँट हुने भएको छ । बिक्री प्रबन्धक सिद्धार्थ क्यापिटलका अनुसार सर्वसाधारणलाई बिक्री गरेको ४१ लाख २० हजार कित्ता आइपीओ बुधबार बाँडफाँट हुने तय भएको छ । यसमा ५१ हजार ८८२ जनाबाट ५१ लाख ८९ हजार ५६० कित्ताका लागि आवेदन परेको छ ।
यस्तै, आयोजना प्रभावित स्थानीयलाई ५ लाख ७९ हजार ६४० कित्ता आइपीओ खुला गरिएकोमा १ हजार ८९७ जनाले ४ लाख ८५ हजार ३०५ कित्ताका लागि आवेदन दिएका छन् । यसर्थ, स्थानीयले आवेदन नदिएको ९४ हजार ३३५ कित्ता सेयर सर्वसाधारणले पाउने गरी आवेदन बन्द गरिएको छ । सर्वसाधारणतर्फ माग भन्दा बढी आवेदन परेकाले उनीहरुलाई वितरण गर्न समस्या हुनेछैन ।
कम्पनीले कुल ४४ लाख कित्ता आइपीओ खुला गरेको मध्ये २ लाख २० हजार कित्ता कम्पनीका कर्मचारीलाई छुट्याइएको छ । यस्तै, सामूहिक लगानी कोषलाई पनि २ लाख २० हजार कित्ता नै छुट्याइएकोमा ६० हजार कित्तामात्र माग भएपछि बाँकी १ लाख ८० हजार कित्ता पनि सर्वसाधारणलाई नै थप गरी बिक्रीमा ल्याएको थियो ।
CITIZEN LIFE INSURANCE
Hamro Parto AD
KAMANA SEWA BIKAS BANK

प्रतिक्रिया दिनुहोस्

एक्स्क्लुसिभ स्टोरी