काठमाडौँ – गणपति माइक्रोफाइनान्स वित्तीय संस्थाले आर्थिक वर्ष २०७५/७६को तेस्रो त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार संस्थाले खुद नाफा २ करोड २३ लाख रुपैयाँ कमाएको छ । अघिल्लो वर्षको यहि अवधीमा संस्था अवधिमा ६४ लाख रुपैयाँ नोक्सानमा रहेको थियो ।
संस्थाको खुद ब्याज आम्दानी १७३.३३% बढेर ४ करोड १९ लाख रुपैयाँ आर्जन गरेको छ भने सञ्चालन नाफा २ करोड ६० लाख रुपैयाँ पुगेको छ । अघिल्लो वर्ष सञ्चालन नाफा ६५ लाख रुपैयाँ नोक्सानमा रहेको थियो । अहिले खुद नाफा वृद्धि हुनमा खुद ब्याज आम्दानी र सञ्चालन नाफाको हात देखिन्छ ।
यो तेश्रो त्रैमाससम्ममा संस्थाले १११% बढोत्तरी गरेर २० करोड ८० लाख रुपैयाँ निक्षेप संकलन गरेको छ भने ७७ करोड ९२ लाख रुपैयाँ कर्जा प्रवाह गरेको छ । यो अघिल्लो वर्षको सोहि अवधिको तुलनामा कर्जा ७३.११% ले वृद्धि गरेको हो ।
संस्थाको चुक्ता पुँजी ७ करोड रुपैयाँ रहेको छ भने जोखिम युक्त सम्पत्ति १०.६६% र निष्कृय कर्जा ०.९७% रहेको छ ।
