- अर्थ सरोकार सम्बाददाता
काठमाडौँ- हरेकजसो कार्यक्रममा प्रधानमन्त्री ओलीले भ्रष्टाचारविरुद्ध सुन्य सहनशीलताको भाषण दिइरहेका हुन्छन् । तर नेपाल सरकारले नै भ्रष्टाचारलाई प्रोत्साहन गरेको पाइएको छ । यहि आउँदो १ वैशाखमा राष्ट्रपतिको हातबाट वितरण हुने विभूषण पाउनेहरुको लिष्टमा जिल्ला प्रशासन कार्यालय भक्तपुरका प्रशासकीय अधिकृत कैलाश मातक्षे श्रेष्ठ पनि छन् जो २ फागुनमा २५ हजार रुपैयाँ घुससहित पक्राउ परेका थिए ।
यस्ता घुस्या कर्मचारी श्रेष्ठ गृह मन्त्रालयले दिने प्रबल जनसेवाश्री विभूषण पाउने सूचीमा छन् भन्दा तपाईंलाइ अचम्म लाग्न सक्छ । तर यो सत्य हो । घुस खाएको प्रमाणित भएपछि अख्तियार दुरुपयोग अनुसन्धान आयोगले उनीविरुद्ध मुद्दासमेत दायर गरिसकेको छ । मुद्धासमेत परिसकेका यस्ता अधिकृतलाइ सरकारले अधिकृतमध्ये उत्कृष्ट भन्दै गृह मन्त्रालयले उनलाई छनोट गरेको हो ।
