काठमाडौँ- विप्लव नेतृत्वको नेपाल कम्युनिष्ट पार्टीले आज अर्थात बैशाख ५ गते नेपाल बन्द गरेको छ । आफ्ना नेताहरुसहित सयौं नेता-कार्यकर्ताहरु गिरफ्तार परेपछि र पार्टिलाई प्रतिबन्ध लगाएपछि नेपाल कम्युनिष्ट पार्टीले बन्दको घोषणा गरेको हो । बन्दको अघिल्लो दिन नै विभिन्न ठाउँमा बम भेटिएका छन् भने काठमाडौँमा मसाल जुलुसको आयोजना गरिएको थियो ।

अगाडीका बन्द भन्दा यो पटकको नेपाल बन्दले जनजीवन प्रभावित पारेको देखिएको छ । देशभरका सबैजसो स्कुल, कलेज बन्द छन् भने लामो दुरीका गाडीहरु चलेका छैनन् । एकाविहानै हेर्ने हो भने काठमाडौँका बाटोहरुमा खास गाडी कुदेका छैनन् । पोखरा, दाङ, इटहरी, बिराटनगर लगायतका ठाउँमा पनि बन्दको प्रभाव देखिएको छ ।