- सन्ध्या केसी
आइतबार साँझ बारा र पर्सामा ठुलो आँधी आयो । आँधी हुरीका कारण बारा र पर्सामा मृत्यु हुनेको संख्या बढिरहेको छ । सयौँ घाइते भएका छन् । स्थिति बिकराल छ । अस्पतालमा बेड अभाव भएको छ, रगत अभाव भएको छ । साच्चै त्रासदी छ तराइमा । औषधिसहितका विभिन्न टोलीहरु काठमाडौँबाट घटनास्थलतर्फ प्रस्थान गरिरहेका छन् । कपडा, औसधिसहितको टोली घटनास्थल पुग्न थालेका छन् ।
यस्तो बेलामा केहि मूर्खहरु अप्रिल फुल मनाउन व्यस्त देखिएका छन् । यतिसम्म कि केहि जिम्मेवार भनिएका मिडियाहरु पनि अप्रिल फुलका नाममा मुर्ख बनाउने समाचार प्रकाशन गरिरहेका छन् । अप्रिल फुल त अर्को बर्ष पनि आउँछ । यसपाली सहयोगमा जुटौँ । देशभन्दा ठुलो केहि हुँदैन ।
गीत छ नि,
पहाडमा जाडो हुँदा, तराइले सक्नुपर्छ
आँधी आए तराइमा, पहाडले छेक्नुपर्छ
होइन भने देशभक्ति छैन हाम्रो छाती भित्र
माटोलाई चोट लाग्दा, मुटुहरु रुनुपर्छ ।
बेला यहि हो । सकेको सहयोग गरौँ । नेपाली हुनुको दायित्व पूरा गरौँ ।
