काठमाडौं – जेबिल्स फाइनान्सले विशेष साधारणसभा असार ६ गते (शुक्रबार) बोलाएको छ । संस्थाको सञ्चालक समितिको १९५औं बैठकले संस्थाको विशेष साधारण सभा उक्त मितिमा कालिमाटीस्थित कालिमाटी ब्यान्क्वेटमा विहान १० बजे गर्ने निर्णय गरेको छ ।
उक्ता सभाले नेपाल इन्भेष्टमेन्ट बैंकले जेबिल्स फाइनान्सलाई प्राप्ति (एक्वीजिसन) गर्ने विशेष प्रस्तावलाई पारित गर्ने छ । सो प्रस्ताव पारित सँगै स्वाप रेसियो १००ः३३ को अनुपातलाई अन्तिम स्वीकृति दिने संस्थाले जनाएको छ । अर्थात जेबिल्स फाइनान्सको १०० कित्ता सेयर हुनेले इन्भेष्टमेन्ट बैंकको ३३ कित्ता सेयर पाउने छन् । उक्त सभामा जाने प्रयोजनको लागि संस्थाको आगामी जेठ २७ गते बुक क्लोज हुने भएको छ ।
