काठमाडौं – नेपाल पुनर्बिमा कम्पनीको १ करोड ६० लाख कित्ता आइपीओ जारी गर्ने भएको छ । कम्पनीको उक्त आइपिओ जारी गर्न क्रेडिट रेटिङ गराएको छ । रेटिङ एजेन्सी इक्रा नेपालले नेपाल पुनर्बिमाको आइपीओलाई औसत अवस्था भन्दा माथिल्लो आधार जनाउने ‘ग्रेड २’ रेटिङ दिएको छ ।
यसमा बिक्री प्रबन्धकको काम आरबीबी मर्चेन्ट बैंकिङले गर्नेछ । आइपीओ बिक्रीपछि चुक्ता पुँजी १० अर्ब रुपैयाँ पुग्नेछ । कम्पनीले आइपीओका लागि रेटिङ गराए पनि हालसम्म नेपाल धितोपत्र बोर्डमा आवेदन भने दिएको छैन । नेपाल धितोपत्र बोर्डमा आवेदन दिएर स्वीकृति पाएपछि आइपीओ खुला प्रक्रिया सुरु हुनेछ । नेपाल पुनर्बिमा कम्पनी सन् २००३ मा स्थापना भएको कम्पनी हो ।
