काठमाडौँ – मुक्तिनाथ विकास बैंकले हकप्रद सेयर निष्काशन गर्ने भएको छ । बैंकले हकप्रद सेयर निष्काशन गर्न बुक क्लोज मिति तय गरेको छ । शुक्रबार बसेको सञ्चालक समितिको २१औँ बैठकले साउन ३१ गते बुक क्लोज गर्ने निर्णय गरेको हो।
बैंकको उक्त हकप्रद चुक्ता पुँजी ३ अर्व ६ करोड ४७ लाख ६० हजार रुपैयाँको १०:२ को अनुपातमा ६१ लाख २९ हजार ५२०.२५ कित्ता हकप्रद निष्काशन गर्न लागेको हो । बैंकको २०७५ मङ्सिर २९ गते सम्पन्न १२औं साधारणसभाले हकप्रद सेयर निष्काशन गर्ने प्रस्ताव पारित गरेको हो।
