काठमाडौँ । बैंकहरुले कर्जा लगानीमा लिने सेवा शुल्कमा राष्ट्र बैंकले कडाई गरेको छ । बैंकहरुले लिने प्रशासनिक सेवा शुल्क, अग्रिम भुक्तानी शुल्क र प्रतिबद्धता शुल्कमा राष्ट्र बैंकले कडाइ गरेको हो । राष्ट्र बैंकले सोमबार एक सर्कुलर जारि गर्दै बैंक तथा वित्तीय संस्थाहरुले कर्जा लगानी गर्दा लिने प्रशासनिक सेवा शुल्क, अग्रिम भुक्तानी शुल्क र प्रतिबद्धता शुल्कमा फरक व्यक्ति वा संस्थालाई ०.२५ प्रतिशत विन्दु भन्दा बढीले फरक गर्न नपाउने व्यवस्था गरेर यस्तो कडाई गरेको हो ।
त्यस्तै एटीएम लगायतका प्रविधिहरुको प्रयोग गर्दा सेवा प्रदायकको लागत भन्दा बढी शुल्क पनि लिन नपाउने नीति राष्ट्र बैंकले लिएको छ । राष्ट्र बैंकको यस्तो नियमसँगै अव एटिएम सेवा पनि सस्तो हुने भएको छ ।
नेपाल राष्ट्र बैंकले जारी गरेको निर्देशन अनुसार अव उपरान्त बैंकहरुले कर्जा सम्झौता गर्दा नै सम्झौतापत्रमा प्रशासनिक सेवा शुल्क, अग्रिम भुक्तानी शुल्क र प्रतिबद्धता शुल्कको गण्ना विधि स्पष्ट रुपमा उल्लेख गर्नुपर्नेछ ।यता ५० लाखसम्मका कर्जामा अग्रिम भुक्तानी शुल्क लिन नपाईने र सो भन्दा बढीको हकमा ब्याज दर परिवर्तन गरिएको अबस्थामा ऋणीले अग्रिम रुपमा कर्जा भुक्तान गर्न चाहेमा पनि शुल्क लिन नपाईने ब्यवस्था पनि राष्ट्र बैंकले गरेको छ ।
हेर्नुहोस् सर्कुलर:
