काठमाडौं – युनाइटेड इन्स्योरेन्स कम्पनीको २४०% हकप्रद सेयर जारी गर्ने भएको छ । कम्पनीले उक्त हकप्रद सेयर जारी गर्नको लागि साउन १४ गते बुक क्लोज गर्ने भएको छ । यस अनुसार साउन १३ गतेसम्म कायम रहने सेयरधनीहरुले मात्र उक्त हकप्रद सेयर भर्न पाउने छन् ।
कम्पनीले हाल कायम रहेको चुक्ता पुँजी ३० करोड २४ लाख रुपैयाँको १ः२.४ अनुपातमा ७२ लाख ५७ हजार ६०० कित्ता हकप्रद सेयर बिक्री गर्न लागेको हो । उक्त हकप्रद सेयर बिक्रीपछि यस इन्स्योरेन्सको चुक्ता पुँजी १ अर्ब २ करोड ८१ लाख ६० हजार रुपैयाँ पुग्नेछ ।
