काठमाडौं – नागरिक लगानी कोषले वार्षिक साधारण सभा भदौ ३० गते बोलाएको छ। कोषले सभा प्रायोजनका लागि भदौ १९ गते बुक क्लोज गर्ने भएको छ । सभा कार्की ब्यांकेट बबरमहल, काठमाडौंमा बिहान ११ः३० बजे सुरु हुनेछ ।
यस अनुसार कोषको २३.१६% लाभांश सुरक्षित गर्न भदौ १८ गते बुधबारभित्र सेयरधनी बनिसक्नुपर्नेछ । नागरिक लगानी कोषले आर्थिक वर्ष २०७४–७५ को नाफाबाट २२% बोनस सेयर र कर तिर्न १.१६% नगद लाभांश दिन लागेको हो । आर्थिक वर्ष २०४–७५ को वार्षिक प्रतिवेदन र सोही वर्षको नाफा–नोक्सान सहितका हिसाबकिताबको प्रतिवेदन पनि पेश गरिनेछ ।
