काठमाडौँ – साताको कारोबारको अन्तिम दिन शुक्रबार सुनचाँदीको मूल्य घटेको छ । बिहिबार प्रति तोला ७३ हजार ४ सय मुल्यमा कारोबार भइरहेको छापावाला सुन आज १ हजारले घटेर प्रति तोला ७२ हजार ४ सय मूल्यमा कारोबार भईरहेको छ । 

यस्तै, चाँदीको मूल्य १० रुपैयाँले घटेर प्रति तोला ८ सय ८५ रुपैयाँमा कारोबार भइरहेको छ । नेपाल सुनचाँदी व्यवसायी महासंघले आज शुक्रबार प्रति १० ग्राम छापावाला सुनको मूल्य ६२ हजार ७० रुपैयाँ तोकेको छ भने प्रति १० ग्राम चाँदीको मूल्य ७ सय ५९ रुपैयाँ कायम गरेको छ ।