काठमाडौं -हिमाल दोलखा हाइड्रोपावर कम्पनीको आइपीओ आज (बिहीबार) अपराह्न ४ बजे बाँडफाँट हुने भएको छ । बिक्री प्रबन्धक ग्लोबल आइएमई क्यापिटलको कार्यालय जमलमा अपराह्न ४ बजे आइपीओ बाँडफाँट हुने जनाएको छ ।
हिमाल दोलखा हाइड्रोपावर कम्पनीले असार २५ देखि ७६ लाख ७२ हजार २१० कित्ता आइपीओ बिक्री खुल्ला गरेको थियो । कम्पनीले जारी गरेको आइपिओमध्ये १ लाख ५३ हजार ४४४ कित्ता कम्पनीका कर्मचारीलाई सुरक्षित गरी २५ हजार कित्ता म्युचुअल फन्डहरुलाई बाँडफाँट गरिएको थियो । बाँकी ७४ लाख ९३ हजार ७६६ कित्ता सेयरमा सर्वसाधारणलाई छुटाईएको थियो ।
तर, यो आइपीओमा आवश्यक आवेदन नपरेपछि भर्ने म्याद लम्बिएर साउन २४ गतेसम्म पुगेको थियो । पछि कम्पनीका सञ्चालक तथा प्रबन्धकहरुलाई समेत भर्न दिइएको थियो । सबै नबिकेपछि अन्डरराइटर समेत यो सेयर स्वीकारेका छन् ।
