काठमाडौं । नेपालभर मोबाइल बैंकिङ प्रयोगकर्ताको संख्या असार मसान्तसम्ममा ८३ लाख ४७ हजार पुगेको छ । अघिल्लो आर्थिक वर्षको अन्त्यसम्म मोबाइल बैंकिङ प्रयोगकर्ताको संख्या ५० लाख ८६ हजार रहेको केन्द्रिय बैंकको तथ्यांक छ भने १ वर्षको अवधिमा ३२ लाख ६१ हजार मोबाइल बैंकिङ प्रयोगकर्ता बढेका छन् ।
पछिल्लो समय मोबाइल बैंकिङलाई ग्राहकको सहजता र क्यासलेस कारोबारको सबैभन्दा महत्वपूर्ण माध्यमको रुपमा रहेको छ । हाल बैंकिङ क्षेत्रमा मोबाइल बैंकिङ, इन्टरनेट बैंकिङ, एटीएम, इलेक्ट्रोनिक कार्ड पेमेन्ट, स्विपकार्ड जस्ता प्रविधिले बैंकको लागत पनि घटेको छ ।
मोबाइल बैंकिङको सुरुवात सन् २००५ मा स्ट्यान्डर्ड चार्टर्ड बैंकबाट भएको बताइएको छ । नेपालमा सन् २००९ मा लक्ष्मी बैंकले मोबाइल मनिको सुरुवात गरेको थियो भने २०१४ मा ग्लोबल आईएमई बैंकले पहिलोपटक मोबाइल स्मार्ट बैंकिङको सुरुवात गरेको हो ।
जानकारहरूका अनुसार विस्तारै मान्छेहरूले विविन्न प्रविधिको विकास हुँदै जाँदा बिस्तारै मानिसहरु क्यासलेसमा विश्वास गर्न थालेको जानकारहरू बताउँछन ।
