काठमाडौँ – मुक्तिनाथ विकास बैंकले भिबोर क्यापिटललाई खरिद  गरेको छ ।  बैंकले क्यापिटलको बहुमत सेयर खरिद  गरेको हो । बैंकले ११ करोड ६६ लाख रुपैयाँमा क्यापिटलको चुक्ता पुँजीको ५८% र जारी पुँजीको ५२.२२% सेयर स्वामित्व किनेको हो । गत असार ३१ गते बैंकले भुक्तानी गरिसकेको छ ।

अब मुक्तिनाथ विकास बैंकले भिबोर क्यापिटलको नाम परिवर्तन गरी मुक्तिनाथ क्यापिटलको रुपमा कम्पनी सञ्चालन गर्नेछ । नाम र लोगो परिपर्तन गर्ने विशेष प्रस्तावसहित आगामी भदौ २७ गतेका लागि भिबोरले साधारणसभा बोलाएको छ ।