काठमाडौं – युनाइटेड इदी मर्दी एण्ड आर बी हाइड्रोपावरले १० करोड ५० लाख रुपैयाँ बराबरको आइपिओ आउने भएको छ । कम्पनीले प्रति कित्ता १०० दरले १० लाख ५० हजार कित्ता आइपीओ निष्काशन गर्न नेपाल धितोपत्र बोर्डसँग अनुमति मागेको हो ।
कम्पनीले आयोजना प्रभावित स्थानीय र सर्वसाधारणलाई एकैपटक आइपीओ बिक्री गर्न लागेको हो । यस आइपीओमा ग्लोबल आइएमइ क्यपिटलले बिक्री प्रबन्धकको काम गर्नेछ । यस हाइड्रोपावरको आइपीओले ग्रेड ४ रेटिङ प्राप्त गरेको छ ।
आइपीओ बिक्रीपछि संस्थापक र सर्वसाधारणको सेयर रेसियो ७५ः२५ हुने कम्पनीको भनाई छ । योजनाको कुल लागत १ अर्ब ३७ करोड ५० लाख रुपैयाँ पुग्ने भएको छ ।
