काठमाडौँ । अख्तियार दुरुपयोग अनुसन्धान आयोगले दुग्ध विकास संस्थान (डीडीसी) का तत्कालिन महाप्रबन्धक गङ्गा तिम्सिनासहित १० जनाविरुद्ध भ्रष्टाचार मुद्दा दायर गरेको छ । काठमाडौं उपत्यकामा दुग्ध पदार्थ वितरणका लागि दुई कम्पनीलाईृ टेण्डर नगरी पुन सम्झौता गरी डीडीसीलाई ठूलो आर्थिक नोक्शानी पुर्‍याएको भन्दै अख्तियारले विशेष अदालतमा आरोपपत्र दायर गरेको हो । उनी डीडीसीमा रहंदा नै संस्थामा ठूलो घोटाला रहेको खबर अर्थ सरोकार डटकमले ‘ब्रेक’ गरेको थियो भने हाकिमले संस्थाको दुध चोरेको ‘भिडियो’ पनि अर्थ सरोकारले सार्वजनिक गरेको थियो । अख्तियारले कर्मचारीविरुद्ध ४६ लाख ७९ हजार १ सय ८२ र वितरक गोकुल फुयालविरुद्ध २२ लाख १९ हजार र प्रभु आदित्य विजनेस प्रालिका ३ जनाविरुद्ध जनही २४ लाख ५९ हजार रुपैयाँ विगो दावी गरेको छ ।