काठमाडौँ । सनराइज बैंकका प्रमुख कार्यकारी अधिकृत जनक शर्मा पौड्यालले सनराइज बैंक कृषकहरुको बैंक भएको बताएका छन् । ठूला व्यापारिक घराना भन्दापनि कृषकहरुलाई आफ्नो बैंकले जोड दिने उनको तर्क छ । नेपाल टेलिभिजनबाट प्रशारण हुने कार्यक्रम ‘बैंकिङ सेरोफेरो’को शनिबारीय अंकका लागि बोल्दै उनले यस्तो बताएका हुन् ।

साथै उनले सनराइज बैंक ब्रान्चलेस बैंकिङलाई प्राथमिकतामा राखेर अगाडी बढेको दावी गरेका छन् । मौद्रिक नीतिका कारण बैंकको नाफा कम भयो भन्ने कुरा सामान्य रहेको बताउँदै उनले नाफा घटाउनेगरी आएका नियमहरु परिमार्जन हुने आशा पनि व्यक्त गरेका छन् । साथै उक्त कार्यक्रममा उनले ब्रान्चलेस बैंकिङ के हो भन्ने कुरा अझ प्रष्ट पारेका छन् ।

उनीसँगको पूरा अन्तर्वार्ता शनिबार राती ८:४५ बजे नेपाल टेलिभिजन न्यूज एचडिमा प्रशारण हुनेछ ।