काठमाडौं । जानकी फाइनान्सले बोनस सेयर दिने भएको छ । फाईनान्सले सेयरधनीहरुलाई २२% बोनस सेयर दिने भएको हो । फाईनान्सको शुक्रबार बसेको सञ्चालक समिति बैठकले गत आर्थिक वर्षको नाफाबाट उक्त बोनस सेयर दिने निर्णय गरेको हो ।
साथै जानकीले बोनसमा लाग्ने कर तिर्न १.१६% नगद लाभांश पनि दिने भएको छ । हाल फाईनान्सको चुक्ता पुँजी ४९ करोड २१ लाख ४० हजार रुपैयाँ रहेको छ । २२% बोनस वितरणपछि पुँजी ६० करोड ४ लाख १० हजार रुपैयाँ पुग्नेछ ।
