काठमाडौं – समता लघुवित्त वित्तीय संस्थाको २००% हकप्रद सेयरमा मूल्य समायोजन भएको छ । हकप्रद सेयरमा मूल्य समायोजनपछि बुधबार संस्थाको सेयर कारोबार प्रतिकित्ता ४९१ रुपैयाँलाई आधार मानेर खुल्ला भएको छ ।
समता लघुवित्तले प्रतिसेयर १०० रुपैयाँ दरले १२ लाख १३ हजार ४४० कित्ता हकप्रद सेयर बिक्री गर्न लागेको हो । उक्त हकप्रद सेयर बिक्री गर्नको लागि संस्थाले बुधबार (असोज १ गते) बुक क्लोज गरेको हो । यस अनुसार उक्त हकप्रद भदौ ३१ गतेसम्म कायम सेयरधनीले मात्र आवेदन दिन पाउनेछन् । यसमा बिक्री प्रबन्धकको काम एनआइबीएल एस क्यापिटलले गर्नेछ ।
समताले हालै वितरण गरेको ६.६६% बोनस सेयरपछि कायम भएको ६ करोड ६ लाख ७२ हजार रुपैयाँ चुक्ता पुँजीमा २००% हकप्रद जारी गर्न लागेको हो । यो हकप्रदपछि पुँजी १८ करोड २० लाख १६ हजार रुपैयाँ पुग्नेछ ।
