काठमाडौं – भिजन सेक्युरिटिज (ब्रोकर नं.३४) ले पनि मार्जिन कारोबार सेवाको सुरुवात गरेको छ । काठमाण्डौको अनामनगरमा कार्यालय रहेको यस कम्पनिको गत असोज १५ गते बसेको सञ्चालक समितिको बैठकले निर्णय गरेअनुसार कम्पनीले आइतबारदेखि मार्जिन कारोबार सेवाको सुरुवात गरेको हो । 

ब्रोकरमार्फत नै मार्जिन सेवा पाएपछि लगानीकर्तालाई सेयर खरिद गर्न सहज हुनेछ भने मार्जिन सेवा लिने ग्राहकले ब्रोकरको कार्यालयमा सम्पर्क गरी नयाँ केवाइसी भरेर क्लाइन्ट कोड लिनुपर्नेछ । मार्जिन सेवा लिएर खरिद गरिएको सेयर बेग्लै डिम्याट खातामा जम्मा हुनेछ । 

यसअघि क्रिष्टल कञ्चनजंगा सेक्युरिटिज (५० नम्बर) ले दशैंअघि नै मार्जिन सेवा सुरु गरेको थियो । नेप्सेले अहिले २१ ब्रोकर कम्पनीमार्फत सूचीकृत ३३ कम्पनीमा मार्जिन ऋण प्रवाह गर्न सकिने बताएको छ । मार्जिन कारोबार सेवा सञ्चालनको अनुमति पाएका २१ ब्रोकर कम्पनीमध्ये बाँकी रहेका १९ वटा कम्पनीले पनि निकट भविष्यमै यो सेवा सञ्चालनको गृहकार्य थालिसकेका छन् ।