![](https://1.bp.blogspot.com/-ZSRFP3hnV_Q/Xa_tQr1twYI/AAAAAAABTLI/o06olyK_hnQ7XSP66jmOPsg8GSHz3JcOwCLcBGAsYHQ/s640/22.jpg)
काठमाडौँ । नेपाल राष्ट्र बैंकको निर्देशनमा इन्फिनिटी लघुवित्त वित्तीय संस्था लिमिटेडले लाभांश संशोधन गरेको छ । लघुवित्तको सञ्चालक समितिको भदौ ३० गते बसेको बैंठकले कूल १५.७९% लाभांश प्रस्ताव गरेकोमा राष्ट्र बैंकको निर्देशनपश्चात कार्तिक ५ गतेको बैठकले संशोधन गरी १५ प्रतिशत मात्र दिने प्रस्ताव गरेको हो ।
संस्थाको कार्तिक ५ गते बसेको सञ्चालक समितिको बैठकले गत आर्थिक वर्ष २०७५/०७६ को मुनाफाबाट शेयरधनीहरुलाई चुक्ता पूँजीको १० प्रतिशतले हुन आउने २ करोड ७ लाख रुपैयाँ बराबरको बोनस शेयर र कर सहित ५ प्रतिशतले हुन आउने १ करोड ३ लाख ७० हजार रुपैयाँ नगद लाभांश वितरण गर्ने प्रस्ताव गरेको हो ।
गत भदौ ३० गते बसेको संस्थाको सञ्चालक समितिको बैंकले आफ्ना सेयरधनीहरुलाई गत आर्थिक वर्षको मुनाफाबाट चुक्तापुँजी २० करोड ७४ लाख रुपैयाँको १० प्रतिशतले हुन आउने २ करोड ७ सात ४० रुपैयाँ बराबरको बोनस सेयर र ५ प्रतिशतले हुन आउने १ करोड ३ लाख ७० हजार रुपैैयाँ बराबरको नगद लाभांश वितरण गर्ने प्रस्ताव गरेको थियो । बोनस सेयर र नगद लाभांश कर प्रयोजनार्थ संस्थाले ०.७९ प्रतिशतले हुन आउने १६ लाख ३७ हजार ३६८.४२ रुपैयाँ छुट्याएको थियो । जसअनुसार सेयरधनीहरुलाई १५.७९ प्रतिशत लाभांश वितरणको प्रस्ताव गरिएको थियो ।
प्रस्तावित लाभांश राष्ट्र बैंकको स्वीकृति र आगामी वार्षिक साधारण सभाले अनुमोदन गरेपश्चात शेयरधनीहरुले पाउनेछन् । हाल यस संस्थाको चुक्ता पूँजी २० करोड ७४ लाख रुपैयाँ रहेको छ भने बोनस पश्चात पूँजी २२ करोड ८१ लाख ४० हजार रुपैयाँ पुग्नेछ।
![](https://1.bp.blogspot.com/-cYaMc454Jqc/Xa_s39X4G6I/AAAAAAABTLA/o1FxPRXGkec5CKJJdke_OLqd0S8ztUBmwCK4BGAYYCw/s1600/637074257417287594.jpg)