काठमाडौँ । ज्योति बिकास बैंक लिमिटेडले १० जना मेनेजमेन्ट ट्रेनी र ४० जना जुनियर ट्रेनी एसिस्टेन्ट पदमा कर्मचारी मागेको छ । बैंकले एक सार्वजनिक सूचना जारी गर्दै यस्तो आवेदन खुलाएको हो । बैंकले मेनेजमेन्ट ट्रेनीका लागि माष्टर्स सकेका आवेदकहरुबाट आवेदन मागेको छ भने जेटिए पदका लागि आवेदकले स्नातक पास गरेको हुनुपर्ने बताएको छ ।

हेर्नुहोस् भ्याकेन्सी 

आवेदकहरुलाई सीइओको टिप्स !

केहि समय अगाडी काठमाडौँमा आयोजित एक कार्यक्रमका बीच ज्योति बिकास बैंकका प्रमुख कार्यकारी अधिकृत मनोज कुमार ज्ञवालीले आफुले आवेदन दिने ठाउँमा बुझेर मात्र आवेदन दिन र अन्तर्वार्ताका लागि पनि तयार रहन सुझाव दिएका थिए । ‘तपाईं जुन बैंकमा जागिरको लागि आवेदन दिंदै हुनुहुन्छ, त्यो संस्थाको बारेमा बुझनुहोस्, आवश्यक जानकारी लिनुहोस्, तयारी गर्नुहोस् ।’ उनले भनेका थिए ।