काठमाडौं । प्रहरीले लागुऔषधसहित सिरहामा तीन युवकलाई पक्राउ गरेको छ । प्रहरीले उनीहरुलाई सिरहाको बरियारपट्टी गाउँपालिका– १ कचनारीबाट पक्राउ गरेको हो । 

पक्राउ पर्नेमा सप्तरीको सुरुङ्गा नगरपालिका– ३ का १८ वर्षीय विवेककुमार चौधरी, सोही ठाउँका १८ वर्षीय उपेन्द्र चौधरी र १८ वर्षकै रञ्जीत मण्डल रहेका छन् । भारतबाट नेपालतर्फ पैदल आउँदै गरेको अवस्थामा शङ्का लागेर शरीर खानतलासी गर्दा तीनै जनाका साथबाट नाइट्रोभेट ट्याब्लेट ३०० चक्की बरामद भएको प्रहरीले जनाएको छ ।