राष्ट्रिय वाणिज्य बैंक लिमिटेडलाई आन्तरिक राजश्व विभागले सम्मान गरेको छ । कर दिवसको अवसर पारेर बैंकलाई विभागले सम्मान गरेको हो । बैक तथा वित्तिय संस्था तथा विप्रेषण कारोबार गर्ने कम्पनीहरुमध्ये उत्कृष्ट करादाताका रुपमा राष्ट्रिय वाणिज्य बैक लिमिटेडलाई सम्मानित गरिएको हो ।
बैंकका तर्फबाट बैंकका प्रमुख कार्यकारी अधिकृत किरण कुमार श्रेष्ठले उक्त अवार्ड थापेका थिए । स्मरण रहोस् चालु आर्थिक बर्षको पहिलो त्रैमासमा सबैभन्दा बढी नाफा कमाउने बैंक पनि राष्ट्रिय वाणिज्य बैंक लिमिटेड नै हो । कर दिवसको अवसर पारेर आन्तरिक राजश्व विभागले हरेक बर्ष बढी कर तिर्नेहरुलाई सम्मान गर्दै आएको छ । उक्त अवसरमा विभिन्न क्षेत्रबाट सबैभन्दा बढी कर तिर्ने व्यवसायी तथा संस्थाहरुलाईसमेत सम्मानित गरिएको थियो ।
