काठमाडौँ । नेपाल राष्ट्र बैंकले २ अर्ब १० करोड बराबरको ट्रेजरी बिल बिक्री गर्ने भएको छ । बैंकले एक सूचना जारी गरी कात्तिक २५ गते सोमबार बोलकबोल प्रक्रियाबाट उक्त परिमाणको ट्रेजरी बिल बिक्री गर्ने जानकारी दिएको हो ।
राष्ट्र बैंकले ९१ दिने अवधिका लागि १० करोड र १८२ दिने अवधिका लागि २ अर्ब बराबरको ट्रेजरी बिल बिक्री गर्न लागेको हो ।
९१ दिने अवधिको ट्रेजरी बिल आगामी माघ २८ गते परिपक्व हुनेछ भने १८२ दिने अवधिको बिल आगामी वैशाख ३० गते परिपक्व हुनेछ ।
