काठमाडौँ – लक्ष्मी बैंकको १९औं वार्षिक साधारणसभा र बुकक्लोज मिति तय गरेको छ । बैंकले पुस ६ गते बार्षिक साधारण सभा बोलाएको छ । सभाको लागि बैंकले मंसिर २३ गतेदेखि बुक क्लोज गर्ने भएको छ । यस अनुसार मंसिर २२ गतेसम्म कायम सेयरधनीले उक्त लाभांश प्राप्त गर्ने छन् ।

बैंकले आर्थिक वर्ष २०७५/७६को मुनाफाबाट १०% बोनस सेयर र ५% नगद गरि कुल १५% लाभांश दिने प्रस्ताव पेस गर्ने भएको छ । बैंकले ८९ करोड २० लाख ५० हजार ९०० रुपैयाँ बराबरको बोनस सेयर र ४४ करोड ६० लाख २५ हजार ४३२ रुपैयाँ नगद लाभांश बाँड्नेछ ।

हाल बैंकको चुक्ता पुँजी ८ अर्ब ९२ करोड ५ लाख रुपैयाँ रहेको छ । बोनस वितरणपछि पुँजी ९ अर्ब ८१ करोड २५ लाख ५९ हजार रुपैयाँ पुग्नेछ ।