काठमाडौँ – बारामा निर्धन उत्थान लघुवित्तका एक कर्मचारी लुटिएका छन् । मंगलबार बिहान बाराको प्रसौनीस्थित फेटा गाउँपालिका–२ जगतपुर टोलमा रकम संकलन गर्न गएका बेला लघुवित्तका कर्मचारी जीवन खड्का लुटिएका हुन् । 

हतियारसहित भारतीय नम्बरको मोटरसाइकलमा आएका दुई जनाले गोली फायर गर्दै खड्काको साथमा रहेको ६ लाख रुपैयाँ लुटेर भारततर्फ भागेको बाराका प्रहरी उपरीक्षक विकास राज खनालले जानकारी दिए। 

बाराका प्रहरी उपरीक्षक खनालका अनुसार लुटेराको खोजीका लागि सशस्त्र प्रहरी र नेपाल प्रहरी परिचालन गरिएको छ ।