काठमाडौं – ज्योति विकास बैंक लिमिटेडले १२.७५ प्रतिशत बोनस दिने घोषणा गरेको छ । बैंकको बुधबार बसेको सञ्चालक समिति बैठकले गत वर्षको नाफाबाट १२.७५ प्रतिशत बोनस सेयर दिने निर्णय गरेको हो ।
हाल बैंकको चुक्ता पुँजी ३ अर्ब १० करोड रुपैयाँ रहेको छ । जसबाट कुल ३९ करोड ५२ लाख ५४ हजार ८४५ रुपैयाँ बराबरको बोनस सेयर बाँड्नेछ । बोनस वितरण पश्चात बैंकको चुक्ता पुँजी ३ अर्ब ४९ करोड ५२ लाख ९२ हजार पुग्नेछ । नियामक राष्ट्र बैंक र आगामी साधारण सभाले अनुमोदन गरेपछि वितरण सुरु गरिनेछ ।
गत वर्ष ज्योतिले ८.४ प्रतिशत नगद लाभांश वितरण गरेको थियो । यस आधारमा लाभांश अनुपात बढेको देखिन्छ ।
