">
काठमाडौं – कञ्चन डेभलपमेन्ट बैंकले आफ्ना सेयरधनीहरुलाई १७% लाभांश दिने निर्णय गरेको छ । बैंकको बिहीबार बसेको सञ्चालक समिति बैठकले गत वर्षको नाफाबाट १०% बोनस सेयर र कर प्रयोजन सहित ७% नगद लाभांश दिने निर्णय गरेको हो ।
बैंकले ५ करोड ३१ लाख ३० हजार रुपैयाँ बराबरको बोनस सेयर बाँड्नेछ भने ३ करोड ७१ लख ९१ हजार रुपैयाँ नगद लाभांश वितरण गर्नेछ । बैंकको उक्त लाभांश नियामक निकाय नेपाल राष्ट्र बैंक र बैंकको आगामी साधारण सभाले अनुमोदन गरेपछि लगानीकर्तालाई वितरण सुरु गरिनेछ ।
गत वर्ष कञ्चनले ५% बोनस सेयर र ६.२९% नगद लाभांश दिएको थियो ।
