काठमाडौँ – अख्तियार दुरुपयोग अनुसन्धान आयोगले घुस रकमसहित ललितपुरको महालक्ष्मी नगरपालिकाका लेखा अधिकृतसहित दुई जनालाई नियन्त्रणमा लिएको छ । आयोगले सेवाग्राहीसँग घुस माग गरेको भन्ने सूचना पाएपछि उनिहरुलाइ नियन्त्रणमा लिएको हो ।
लेखा अधिकृत शिवकुमार घिमिरे र लेखापाल कुवेर केसीले ३० हजार रुपैयाँ घुस रकम लिइसकेको अवस्थामा आयोगले कार्यालय परिसरबाट नियन्त्रणमा लिएको हो। नियन्त्रणमा लिइएको दुबै जना उपर थप अनुसन्धान भइरहेको आयोगले जनाएको छ।
