काठमाडौं – नेपाल स्टक एक्सचेन्ज (नेप्से)ले सप्तकोशी डेभलपमेन्ट बैंकको सेयर कारोबार रोक्का गरेको छ । कम्पनीले धितोपत्र सूचीकरण विनियमावली २०७५ उल्लंघन गरेको भन्दै कारोबार रोक्का गरेको हो । 

धितोपत्र सूचीकरण विनियमावली २०७५ अनुसार सूचीकृत कम्पनीहरुले प्रत्येक त्रैमासिक अवधि समाप्त भएको एक महिनाभित्र वित्तीय विवरणसहितको प्रगति प्रतिवेदन पेश गर्नुपर्छ । तर, सप्तकोशी डेभलपमेन्ट बैंकले त्रैमासिक प्रतिवेदन पेश नगरेको हुनाले नेप्सेमा  सेयर कारोबारमा रोक लगाइएको हो । अब बैंकले असोज मसान्त सम्मको त्रैमासिक प्रतिवेदन पठाएपछि मात्र कारोबार खुला हुनेछ ।