काठमाडौं । नेपाल राष्ट्र बैंकले एटिएमबाट रकम झिक्ने सिमा बढाएको छ। राष्ट्र बैंकको भुक्तानी प्रणाली विभागले बिहीबार एकीकृत निर्देशिका जारी गर्दै रकम झिक्ने सिमा बढाएको हो ।
राष्ट्र बैंकले रकमको सिमा ५ हजारले बढाएको हो । एटिएमबाट यसअघि एक पटकमा २० हजारमात्र झिक्न पाउने व्यबस्था थियो भने एक दिनमा ६० हजार रुपैयाँसम्म झिक्न पाउने व्यबस्था थियो ।
तर अब एक पटकमा २५ हजार र एक दिनमा १ लाख रुपैयाँसम्म निकाल्न पाइनेछ ।
गत भदौमा चिनियाँ ह्याकरहरुले विभिन्न बैंकको एटीएम प्रयोग गरी करोडौं रुपैयाँ लुटपाट गरेपछि राष्ट्र बैंकले एटीएमबाट निकाल्न मिल्ने रकमको सीमा घटाएको थियो ।
