काठमाडौं । बैंक अफ काठमाण्डूमा रहेको आफ्नो खाताबाट ५ लाख भुक्तानी लिनु भनी फर्जी चेक दिने राजेन्द्र बुढाथोकी कारागार चलान भएका छन् । फरार रहेका बुढाथोकीलाई नेपाल प्रहरीको केन्द्रीय अनुसन्धान ब्यूरो (सिआईबी) ले पक्राउ गरि कारागार चलान गरिएको हो ।
राजेन्द्रलाई बैकिङ्ग कसुर मुद्दामा उच्च अदालत पाटनले असोज २८ गतेको फैसलाले १५ दिन कैद र ५ लाख रुपैयाँ जरिवाना हुने ठहर गरेको थियो । तर उनि अदालतको आदेशपछि फरार रहेका थिए ।
राजेन्द्रले बैंक अफ काठमाण्डूमा रहेको आफ्नो खाताबाट ५ लाख भुक्तानी लिनु भनी फर्जी चेक मधु बुढाथोकीलाई दिएका थिए। उक्त चेक सटही नभएपछि मधुले दिएको उजुरीको आधारमा सिआईबीले उनलाई पक्राउ गरेको हो ।
सिआईबीका अनुसार पुस १३ गते गोलढुङ्गा, काठमाडौबाट पक्राउ गरी माघ १४ गते काठमाण्डौं जिल्ला अदालत पेश गरेकोमा कैद भुक्तानको लागी केन्द्रीय कारागार,सुन्धारा चलान गरिएको हो ।
उनले व्यवसायका लागि भन्दै र मधुसँग ५ लाख रुपैयाँ ऋण लिएका थिए ।
