काठमाडौँ – साताको कारोबारको अन्तिम दिन बिहिबार बजार घटेको छ । बुधबारको तुलनामा बजार १५.९५ अंकले घटेर १२९७.४७ विन्दुमा आइपुगेको छ ।

नेपाल स्टक एक्सचेन्ज (नेप्से)का अनुसार कुल १ सय ७२ कम्पनीको ३७ लाख ५४ हजार ५ सय २१ कित्ता सेयर खरिद बिक्री हुँदा १ अर्व ३८ करोड माथिको कारोबार भएको छ । जसमा सबै भन्दा बढी कारोबार नेपाल लाइफ इन्स्योरेन्सको भएको छ । यस कम्पनीको कुल १८ करोड ४० लाखमाथिको कारोबार भएको छ । त्यसपछि क्रमश ग्लोबल आइएमइ बैंक र नेपाल बैंकको भएको छ ।

यता, बिहिबार जीवन बीमा र अन्य उपसुचक बढेका छन् भने बाँकी सबै उपसुचक घटेका छन् । त्यसैगरी सबैभन्दा धेरै सिनर्जी पावर डेभलपमेन्ट र मिथिला लघुवित्त वित्तीय संस्थाका लगानीकर्ताले कमाएका छन् भने सबैभन्दा धेरै सिद्धार्थ इक्युती फण्ड र मन्जुश्री फाइनान्सका लगानीकर्ताले गुमाएका छन् ।