×

Live on

रेडियो अर्थ सरोकार

Listen to live radio.

विराटनगर राजस्व कार्यालयबाट लक्ष्यभन्दा २८ प्रतिशत कम राजस्व संकलन…!

GLOBAL IME BANK

विराटनगर राजस्व कार्यालयबाट लक्ष्यभन्दा २८ प्रतिशत कम राजस्व संकलन…!

७ माघ २०७६, मंगलवार

पढ्न लाग्ने समय: १ मिनेटभन्दा कम

काठमाडौँ – आन्तरिक राजस्व कार्यालय विराटनगरले चालु आर्थिक वर्षको पहिला ६ महिनामा कुल ३ अर्ब ५१ करोड ५३ लाख नौ हजार राजस्व संकलन गरेको छ । यो लक्ष्यको तुलनामा करिब २८% ले कमी हो । कार्यालयले यस अवधिमा ४ अर्ब ४९ करोड ६३ लाख ५५ हजार राजस्व संकलन गर्ने लक्ष्य लिएको थियो । गत वर्ष सोही अवधिमा यस कार्यालयले ३ अर्ब १८ करोड १३ लाख ३१ हजार राजस्व संकलन गरेको कार्यालय प्रमुख विमल सापकोटाले जानकारी दिए ।
कार्यालयका अनुसार आर्थिक वर्ष २०७४/७५ मा सो अवधिमा २ अर्ब ४६ करोड ५३ लाख ९० हजार राजस्व संकलन गरेको थियो । चालु आर्थिक वर्षमा लक्ष्यभन्दा राजस्व कम उठे पनि गएको वर्षभन्दा ३३ करोड ३९ लाख ७८ हजार रुपैयाँ राजस्व बढी संकलन भएको हो । चालु आर्थिक वर्षमा संकलित राजस्वमा आयकरतर्फ १ अर्ब ४९ करोड ५६ लाख ७१ हजार, मूल्य अभिवृद्धि करमा ८९ करोड ५३ लाख ३० हजार, अन्तःशुल्कतर्फ १ अर्ब १२ करोड ३८ लाख ३ हजार, स्वास्थ्य करतर्फ ५३ हजार र शिक्षा करतर्फ ४ लाख ५२ हजार रहेको छ ।
चालु आर्थिक वर्षको पहिलो ६ महिनाको अवधिमा अन्तःशुल्कतर्फ २ अर्ब २१ करोड ४३ लाख ४ हजार राजस्व संकलन गर्ने लक्ष्य लिएकोमा सो अवधिमा १ अर्ब १२ करोड ३८ लाख तीन हजार मात्र संकलन गरेको छ । यो लक्ष्यको तुलनामा करिब ५१५ कम हो । अन्तःशुल्क कम संकलन हुनुमा मादक पदार्थको कारोवारमा कमी आउनु, विकास निर्माण कार्यले तीव्रता नलिनु र जग्गाको कारोबार नहुनुजस्ता प्रमुख कारण भएको प्रमुख सापकोटाले जानकारी दिए ।
उनका अनुसार राजस्व आयकरतर्फ १०३ प्रतिशत, मूल्य अभिवृद्धि करतर्फ १०९ प्रतिशतले वृद्धि भएको छ भने अन्तःशुल्कमा ५१ प्रतिशत कमी देखिएको छ । असोज महिनादेखि पुस मसान्तसम्म अन्तःशुल्कमा क्रमशः वृद्धि भइरहेको प्रमुख सापकोटाले बताए । रासस
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: