काठमाडौँ – सिटिजन्स बैक इन्टरनेशनल लिमिटेडलेको एटिएममा अब मास्टरकार्ड पनि चल्ने भएको छ । बैंकले आफ्नो एटिएममा उक्त कार्ड चल्ने सेवाको सुरुवात गरेसँगै  मास्टरकार्ड, Maestro तथा Cirrus  ब्राण्डका कुनै पनि कार्ड बैंकको एटीएममा चल्नेछन् ।

बैंकले यसअघि नै भिषा तथा युनियन पेसँग सहकार्य गरी ती ब्राण्डका कार्डमार्फत कारोबार गर्दै आइरहेको छ।बैंकले नेपाल भ्रमणमा आउने विदेशी पर्यटक र नेपालमा मास्टरकार्ड ब्राण्डका कार्ड वाहक ग्राहकहरु लाभान्भित हुने विश्वास लिएको छ।

बैंकले देशैभरी फैलिएका ८५ वटा शाखा, ८५ वटा एटिएम र १०२ वटा शाखा रहित बैंकिङ्ग एकाईहरुबाट करिब ४ लाख ग्राहक वर्गलाई आधुनिक बैंकिङ्ग सेवाहरु प्रदान गर्दै आएको छ।

साथै शाखाहरुसँगको समन्वय, निगरानी, संस्थागत सुशासन, जोखिम व्यवस्थापन एवं गुनासो सुनुवाई जस्ता कार्यहरू छिटो, छरितो, चुस्त र दुरुस्त रूपमा सम्पादन गर्ने उद्देश्यले बैंकले सात वटै प्रदेशमा प्रादेशिक कार्यालयहरुको स्थापना गरिसकेको छ।