काठमाडौं – कृषि विकास बैंक लिमिटेडको ऋणपत्र भर्ने शुक्रबार अर्थात माघ १७ गते अन्तिम रहेको छ । बैंकले माघ १४ गतेदेखि २५ लाख इकाई ऋणपत्र बिक्री खुला गरेकोमा (आज) शुक्रबार कार्यालयसमयसम्म मात्र आवेदन दिन सकिने बैंकले जनाएको छ ।
बैंकले १० लाख इकाईमा सर्वसाधारणका लागि र बाँकी १५ लाख इकाई संघसंस्थाहरुलाई छुट्याएको थियो । वार्षिक १०.३५% ब्याज पाइने उक्त ऋणपत्र न्यूनतम २५ कित्तादेखि अधिकतम २ लाख ५० हजार कित्तासम्मका लागि आवेदन दिन पाइनेछ ।
बैंकले ७ वर्ष अवधिको ‘कृषि विकास बैंक डिबेन्चर २०८३’ नाममा ऋणपत्र बिक्री खुला गरेको हो । बैंकले उक्त ऋणपत्र बिक्री प्रबन्धकमा एनआइबीएल एस क्यपिटललाई नियुक्त गरेको थियो । इक्रा नेपालले ‘इक्रा एनपी एलए’ रेटिङ दिएको सो ऋणपत्रमा प्रतिइकाई १ हजार रुपैयाँको दरले आवेदन दिनुपर्नेछ ।
उक्त ऋणपत्रमा सी–आस्वाको माध्यमबाट आवेदन दिन सकिनेछ बैंकले जनाएको छ।
