काठमाडौं – नेपाल स्टक एक्सचेञ्ज (नेप्से)ले नेपाल इन्भेष्टमेन्ट एन्ड सेक्युरिटिज (ब्रोकर नम्बर १९) को सेयर कारोबार ३ दिनको लागि रोक्का गरेको छ । कम्पनीले सेयर कारोबार गरेको रकम भुक्तानी तथा राफसाफ गर्न नसकेकाले कारोबार रोक्का गरिएको हो ।

लगानीकर्ताहरुले १९ नम्बरको यो ब्रोकर कम्पनीबाट अब ३ दिनपछि मात्र सेयर कारोबार गर्न पाउनेछन् । ब्रोकर कम्पनीहरुले सेयर कारोबारको पैसा निर्धारित मितिमा राफसाफ गर्न नसके कारोबार नै बन्द गर्ने प्रवधान छ ।