काठमाडौँ – साताको कारोबारको दोस्रो दिन सोमबार बजार बढेको छ । आइतबारको तुलनामा बजार १८.२६ अंकले बढेर १२००.६९ विन्दुमा आइपुगेको छ ।

नेपाल स्टक एक्सचेन्ज (नेप्से)का अनुसार कुल १ सय ७८ कम्पनीको २६ लाख ८३ हजार ७ सय १० कित्ता सेयर  १० हजार ७ सय २६ पटक खरिद बिक्री हुँदा ८४ करोड २५ लाख माथिको कारोबार भएको छ । जसमा सबै भन्दा बढी कारोबार एनआइसी एसिया बैंकको भएको छ । यस बैंकको कुल ८ करोड ४७ लाखमाथिको कारोबार भएको छ । त्यसपछि क्रमश ग्रामिण विकास लघुवित्त वित्तीय संस्था र नेको इन्स्योरेन्सको  भएको छ ।

यस्तै, सोमबार व्यापार बाहेक सबै उपसुचक बढेका छन् । जसमा सबैभन्दा धेरै बैंकिङ समुह बढेको छ ।  बैंकिङ समुह २ दशमलव ४६ प्रतिशतले बढेको हो ।

त्यसैगरी सबैभन्दा धेरै वोमी माइक्रोफाइनान्स र एनएमबि माइक्रोफाइनान्सका लगानीकर्ताले कमाएका छन् भने सबैभन्दा धेरै नेको इन्स्योरेन्स र नेसनल हाइड्रोपावरका लगानीकर्ताले गुमाएका छन् ।