काठमाडौँ – साताको कारोबारको पहिलो दिन आइतबार बजार बढेको छ । बिहीबारको तुलनामा बजार १६.०९ अंकले बढेर ११८२.३१ विन्दुमा आइपुगेको छ ।
नेपाल स्टक एक्सचेन्ज (नेप्से)का अनुसार कुल १ सय ७३ कम्पनीको २० लाख ८२ हजार ७ सय १८ कित्ता सेयर ९ हजार २ सय ९५ पटक खरिद बिक्री हुँदा ७१ करोड २३ लाख माथिको कारोबार भएको छ । जसमा सबै भन्दा बढी कारोबार शिवम सिमेन्सको भएको छ । यस कम्पनीको कुल ५ करोड ६२ लाखमाथिको कारोबार भएको छ । त्यसपछि क्रमश एनआइसी एसिया बैंक र ग्रामिण विकास लघुवित्तको भएको छ ।
यस्तै आइतबार सबै उपसुचक बढेका छन् । जसमा सबैभन्दा धेरै बैंकिङ समुह बढेको छ । बैंकिङ समुह १ दशमलव ६१ प्रतिशतले बढेको हो ।
त्यसैगरी सबैभन्दा धेरै वोमी लघुवित्त, ग्रामिण विकास लघुवित्त र श्री राम सुगर मिल्सका लगानीकर्ताले कमाएका छन् भने सबैभन्दा धेरै नेपाल फाइनान्स, कर्पोरेट डेभलपमेन्ट बैंकका लगानीकर्ताले गुमाएका छन् ।
