काठमाडौँ – नक्कली नोटसहित दुईजनालाई प्रहरीले पक्राउ गरेको छ । महानगरीय प्रहरी वृत्त कालिमाटीबाट खटिएको नेपाल प्रहरीको टोलीले आइतबार दुईजनालाई पक्राउ गरेको हो ।
पक्राउ पर्नेमा बाराका २७ वर्षीय अनुश थापामगर र २२ वर्षीय रवि आलेमगर रहेका छन् । प्रहरीले दुवै जनालाई एक हजार दरका ३१ थान नक्कली नोटसहित कलङ्की चोकबाट पक्राउ गरेको हो ।
महानगरीय प्रहरी कार्यालय रानीपोखरीका प्रवक्ता प्रहरी उपरीक्षक श्यामलाल ज्ञवालीले पक्राउ परेका उनीहरुमाथि अनुसन्धान भइरहेको जानकारी दिए ।
