काठमाडौं – सिद्धार्थ बैंक लिमिटेडले आर्थिक वर्ष २०७६/७७ को दोस्रो त्रैमासको वित्तीय विवरण सार्वजनिक गरेको छ । बैंकले यस अवधिमा आउदा खुद नाफा घटेको विवरण सार्वजनिक गरेको हो ।
आर्थिक वर्ष २०७५/७६को पुस मसान्तमा खुद नाफा १ अर्ब ६ करोड ९४ लाख रुपैयाँ कमाएको यस बैंकले यस अवधिमा भने १ अर्ब २ करोड ६५ लाख रुपैयाँ मात्र खुद नाफा कमाएको छ । जुन गत वर्षको सोहि अवधिको तुलनामा ४.०१% ले थोरै रहेको सार्वजनिक रिपोर्टमा उल्लेख छ ।
बैंकद्वारा सार्वजनिक रिपोर्ट अनुसार यस अवधिमा खुद ब्याज आम्दानी २१.१८% ले बढेको छ भने सञ्चालन नाफामा सामान्य अंक अर्थात् ०.०८% ले गिरावट आएको छ ।
यद्यपि बैंकको बैंकको सञ्चालन खर्च बढ्दा खुद नाफामा असर परेको देखिन्छ ।
यस्तै हाल बैंकको चुक्ता पुँजी ९ अर्ब ७८ करोड ७७ लाख रुपैयाँ रहेको छ । यस अवधिमा निक्षेप संकलन र कर्जा प्रवाह क्रमश: १८.९५% र २१.३९% ले वृद्धि भएको बैंकले सार्वजनिक गरेको रिपोर्टमा उल्लेख छ ।
त्यसैगरी बैंकको जगेडा कोष भने घटेको छ । बैंकको उक्त कोष २५.७५% ले घटेको हो । सिद्धार्थको प्रतिसेयर आम्दानी पनि ३ रुपैयाँ १३ पैसाले घटेर २१ रुपैयाँ ५७ पैसामा कायम भएको छ । प्रतिसेयर नेटवर्थ पनि ७.७६ रुपैयाँले घटेर १५० रुपैयाँ ७२ पैसामा खुम्चिएको छ ।
