काठमाडौं – फरवार्ड कम्युनिटी माइक्रोफाइनान्सले आफ्नो सेयरधनीको बैंक खातामा १२.५०% नगद लाभांश पठाउन थालेको छ । संस्थाले डिम्याट खाता र बैंक खाता अद्यावधिक गरेका सेयरधनीको खातामा नगद जम्मा गरिदिएको हो । तर,अहिलेसम्म पनि  नगद लाभांश खातामा नआएका सेयरधनीलाई डिम्याट खाता र बैंक खाता अपडेट गर्न भनिएको छ ।

फरवार्डको गत पुस २९ गते सम्पन्न साधारण सभाले गत आर्थिक वर्षको मुनाफाबाट ३२.५०% बोनस सेयर र कर प्रयोजनसहित १२.५०% नगद लाभांश वितरण गर्ने प्रस्ताव पारित गरेको थियो ।