">
काठमाडौँ । तत्कालीन किष्ट बैंक प्रकरणका नाइके कमल ज्ञवाली अव अर्को ३ बर्ष जेलमै रहने भएका छन् । सर्बोच्च अदालतले किष्ट बैंकका तत्कालिन प्रवन्ध निर्देशक कमलप्रसाद ज्ञवालीलाई तत्कालिन पुनरावेदन अदालत पाटनले सुनाएको फैसला सदर गरेपछि अर्को ३ बर्ष उनी जेलमै रहने भएका हुन् । सर्बोच्च अदालतका न्यायधीशहरु दीपककुमार कार्की,पुरुषोत्तम भण्डारी र हरिप्रसाद फुयालको सयुक्त इजलाशले गत बिहीबार उच्च अदालतको निर्णय सदर गरेको हो ।
जम्को प्रकाशनलाई ऋण दिएको काण्डमा बैंकिङ कसुरको मुद्दा दायर भएपछि उनी फरार थिए र प्रहरीले उनलाई पक्राउ गरेको थियो । पुनरावेदन अदालतले ज्ञवालीलाई ४ वर्षको जेल सजाय सुनाएको थियो । पक्त्यराउ परेपछि उनले उच्च अदालत र जिल्ला अदालत काठमाडौं जिल्ला अदालतविरुद्ध सर्बोच्चमा मुद्दा दायर गरेका थिए । तर सर्बोच्च अदालतले उच्च अदालतको निर्णयलाई सदर गरेको छ । एक बर्ष जेल जीवन बिताईसकेका ज्ञवाली थप ३ बर्ष जेलमा बस्नेछन् ।
उनको प्रकरण के थियो त ? भिडियोमा हेर्नुहोस् :
