काठमाडौँ – साताको कारोबारको चौथौ दिन बुधबार बजार बढेको छ । मंगलबारको तुलनामा बजार ५.३१ अंकले बढेर १३४२.३६ विन्दुमा आइपुगेको छ ।

नेपाल स्टक एक्सचेन्ज (नेप्से)का अनुसार कुल १ सय ७७ कम्पनीको  ३२ लाख ६० हजार १९८ कित्ता सेयर खरिद बिक्री हुँदा १ अर्व ८ करोड माथिको कारोबार भएको छ । जसमा सबै भन्दा बढी कारोबार सिभिल बैंकको भएको छ । यस कम्पनीको कुल १३ करोड २ लाखमाथिको कारोबार भएको छ । त्यसपछि क्रमश : नागरिक लगानी कोष र नेपाल लाइफ इन्स्योरेन्स कम्पनीको भएको छ ।

यता, बुधबार विकास बैंक, हाइड्रोपावर, म्यानुफ्याक्चर एण्ड प्रोडक्सन र म्युतुअल फण्ड उपसुचक घटेका छन् भने बाँकी सबै उपसुचक बढेका छन् । त्यसैगरी सबैभन्दा धेरै सपोर्ट माइक्रोफाइनान्स र सिभिल बैंकका लगानीकर्ताले कमाएका छन् भने सबैभन्दा धेरै नेसनल हाइड्रो पावर र नेपाल हाइड्रो डेभलपर कम्पनीका लगानीकर्ताले गुमाएका छन् ।