काठमाडौं । प्रहरी महानिरीक्षकमा सरकारले ठाकुर ज्ञवालीलाई नियुक्त गरेको छ । मंगलबार दिउँसो बसेको मन्त्रिपरिषद बैठकले ज्ञवालीलाई आईजीपीमा नियुक्त गरेको हो ।
आईजीपीमा नियुक्त भएसँगै ज्ञवालीले ५ महिनाका लागि प्रहरी संगठनको नेतृत्व गर्नेछन् । हाल प्रहरी नायब महानिरीक्षकका रुपमा उनी प्रदेश नं. १ प्रहरी प्रमुखका रुपमा कार्यरत थिए ।
प्रहरी महानिरीक्षक सर्वेन्द्र खनालको सेवा अवधि मंगलबार अर्थात आजदेखि सकिएको छ । खनालसँगै तीन एआइजीले समेत अवकाश पाएपछि प्रहरी नायब महानिरीक्षक (डिआइजी)बाट सरकारले सिधै आइजिपी नियुक्ति गरेको हो। ज्ञवाली खनालकै वैकल्पिक ब्याचका अधिकारी हुन्।
