">
काठमाडौँ – बालकुमारीमा रहेको व्यावसायिक भवनमा बिहान आगलागी भएको छ । उक्त भवनमा आइतबार पौने नौ बजेतिर आगलागी भएको हो।
आगलागीबाट भवनको दुई तलामा रहेका फर्निचर, कागजात लगायतका सामान जलेर नष्ट भएका छन् । आगो वारुण यन्त्रको मद्दतमा करिब आधा घण्टामै आगो नियन्त्रणमा लिइएको थियो।
सो भवनमा विद्युत सर्ट भएर आगलागी भएको प्रहरीको अनुमान छ । आगलागीबाट कति क्षति भयो भन्नेबारे पनि अनुसन्धान भइरहेको प्रहरीले जनाएको छ ।
