काठमाडौं – नेपाल सरकारको स्वामित्वमा रहेको कृषि विकास बैंकको अध्यक्षमा लक्ष्मीप्रपन्न निरौला नियुक्त भएका छन् । नेपाल राष्ट्र बैंकमा ३० वर्ष काम गरेर कार्यकारी निर्देशकबाट अवकास पाएका निरौला कृषि विकास बैंकको अध्यक्षमा नियुक्त भएका हुन् ।

अर्थमन्त्री डा. युवराज खतिवडाको सिफारिसमा अध्यक्ष भएका निरौलाले राष्ट्र बैंकमा पद तथा गोपनियताको सपथ समेत लिएका छन् । राष्ट्र बैंकको कार्यकारी निर्देशकबाट अवकास पाएको व्यक्तिलाई निजी बैंक जान कुलिङको व्यवस्था भएपनि सरकारी बैंकमा जानको लागि कुलिङको व्यवस्था छैन ।