कैलाली । विश्वभर महामारीका रुपमा फैलिएको कोरोना प्रकोपलाई लिएर नेपालमा उच्च सतर्काता अपनाईएका बेला राष्ट्रिय बाणिज्य बैंकको अत्तरिया साखाले सराहनीय काम गरेको छ ।  कैलालीको गोदावरी नगरापलिका २ अत्तरियामा रहेको राष्ट्रिय बाणिज्य बैंक लिमिटेड अत्तरिया शाखाले यस्तो उदाहरणीय काम थालेपछि सुदुरपश्चिमभरि नै यो कामको उच्च प्रसंसा भएको छ। बैंकले सुरु गरेको यस्तो कार्यले एकातर्फ बैंकप्रति जनताको विश्वास बढेको छ भने अर्कोतर्फ स्वास्थ्य चेतना पनि बढेको छ ।

पैसा गोजीमा, मास्क मुखमा !

चेक साट्दा मास्क पनि पाएपछि सेवाग्राहीहरु दङ्ग परेका छन् । बैंकका शाखा प्रमुख जित जंग सिंहका अनुसार  बैंकको संस्थागत सामाजिक उत्तरदायित्व कार्यक्रम अन्तरगत मास्क वितरण गरिरहेको हो ।  यो कार्यक्रम अन्तरगत १ हजार मास्क वितरण गरिने उनको भनाइ छ । यस्यतै  बैंकको मुलगेटमा कोरोना रोगको पहिचानका लागि ‘हेल्थ डेस्क’समेत स्थापना भएको छ । उनका अनुसार बैंकले सेवाग्राहीलाई सचेत गराउनको लागि बैंकका भित्ताहरुमा कोरोना संम्बन्धि सचेतनाका पोस्टर समेत लगाउने कामसमेत भएको छ ।